Charles hriatrengna inkhelah Lalrina Renthlei a champion

Mizoram Snooker and Billiards Association (MSBA) buatsaih Charles H. Thangliana Memorial 10 Ball Pool Championship 2019 chu Zirtawpni khan khelh zawh a ni a; Lalrina Renthlei, Tuikhuahtlang chuan final-ah Lallawmkima , Khatla South hnehin a champion.

Lalrina Renthlei hian semifinal-ah Lalṭanpuia, Upper Republic a hneh a, Lawma hian final lut turin Zonuntluanga (Tekawka), Elecric Veng  a hneh ve bawk. Inelna hi October 29 - November 1 chhung khan MSBA Hall, Republic Vengthlangah khelh a ni a, Charles-a puala khelh a nih avangin player-te pawhin an ngai hlu hle.

Charles H. Thangliana hi nikum September 26 khan chuap cancer vangin a thi a, a thih lai hian snooker bikah ranking number chu a ni. Tuikual South-a cheng Charles hian kum 2002 aṭangin snooker leh pool a khel ṭan a, cancer vanga a taksa chak loh lai ber pawh hian a game hmangaih hi a thlah lo. MSBA leh Charles-a chhungte hi kum thum chhung atan an inrem a, tuna inremna ang chuan Charles-a hriatrengna inkhel hi kum hnih dang la khelh leh tur a ni.