Lakers-ah Bronny awm zel dawn?

LeBron James chuan season riat chhung a lo khelh tawh hnuah, Los Angeles Lakers-a khelh chhunzawm a tum tawh loh thu club hriattir mah se, a fapa Bronny James erawh a chhuak dawn lo. Sseason tharah (2026-27) Bronny hian Lakers-ah US dollar maktaduai 2.3 a hlawh ang.

Kum 41 mi James-a'n lakers a chhuahsan dawn takah chuan, a fapa pawhin a zui ve mai ringtu an tam hle. Mahse Lakers hian Bronny-a hmalam hun hi a pa thutlukna nen chuan inzawmna nei lo a, an kawl chhunzawm zel dawn niin khawthlang chanchinbuten an ziak.

LeBron hi a fapa nen khelh dun a châk avangin 2024 draft-a Bronny thlangtu club-ah luh a lo tum tawh a, mahse Lakers-in an thlan avangin a châm chhunzawm. Club ṭhenkhat pawhin hei hi hriain LeBron lak luh theihna tur a ni tih hriain Bronny hi lak hmasak neih an tum a, mahse Lakers-ah a khelh chhunzawm dawn avangin an beiseina a thamral.

Miami Heat tan pawha khel tawh LeBron hi a kum tam ve deuh tawh mah se a la chuai lo a, season hman zawh takah khan average-in point 20.9 a la nei thei. Conference semifinals-ah Oklahoma City Thunder an hneh loh avangin a champion zo lo thung.