La Liga-ah Aubameyang a kir dawn

Marseille forward Pierre-Emerick Aubameyang chu La Liga lamah a kir leh dawn a, Spanish Second Division aṭanga La Liga-a inpetkai Deportivo La Coruna chu euro maktaduai 1.5-in a zawm dawn a, medical test leh paperwork ṭhenkhat chiah tihfel a hmabak tawh niin journalist Fabrizio Romano-a'n a tarlang.

Kum 37 mi Aubameyang hian nikum Jult thla khan Marseille hi a zawm a, a kum tam ve deuh tawh mah se rinrawl la ni theii, Mason Greenwood nen an inkawp fuh hle. Borussia Dortmund forward hlui hian Ligue 1-ah match 30 khelin goal 10 leh assist panga a la nei thei.

Auba hi La Liga-ah a mikhual dawn lo, 2022 khan Barcelona tan a lo khel tawh a, Spain-ah pawh goal a la khung thei tih a lo fiah tawh. Catalan club tan a khel rei lo thung a, hemi kum vek hian Chelsea a zawm leh.

Arsenal tan pawha khel tawh Auba tan Deportivo hi a career-a a club 11-na tur chiah a ni a, kum riat chhung zet Spanish football league sang ber an khelh phâk tawh loh hnuah an rawn invawrh sang leh tawh a, Auba hoin La Liga-ah a sang thei ang ber thlen an tum dawn.