Zirtirtu leh a zirtir

Luis de la Fuente enkawl Spain-in an ram chanchina a vawi hnih nan world champion nih an tum dawn a, Argentina-in kum 1962-a Brazil hnua a zawna world champion hmasa ber nih an tum dawn thung.

Pathianni zana team pahnih intawng tur hian thawnthu danglam tak a nei - De la Fuente hian Argentina coach Lionel Scaloni hi a lo zirtir tawh ṭhin!

De la Fuente-a'n France an hneh hnu khan, "Argentina hmachhawn ka châk zawk," a ti a, hei hi Argentina a zuam vang ni loin a zirtir hlui Scaloni hmachhawn a châk vang zawk a ni.

Scaloni hian player a nih laiin Deportivo La Coruna, Racing Santander leh Real Mallorca tan a khel ṭhin a, a nupui pawh Spanish niin, Mallorca-ah an cheng hial.

Kum 2017 khan Spanish Football Association (RFEF) coaching academy-ah Scaloni hi a zirlai zinga mi niin a inzir a, hetah hian tuna Spain coach De la Fuente hi zirtirtu zingah a tel.