World Cup final-ah halftime a rei dawn!

Pathianni zan FIFA World Cup final-a halftime chawlh hun chhung chu football dan pangngai minute 15 pelin minute 20-25 inkar a ni ang.

Halftime chawlhah hian Madonna, Shakira leh K-pop boy band BTS te an zai dawn a, hei vang hian halftime chawlh hun hi an pawtsei. Nikuma Club World Cup final khelh a nih khan Coldplay, J Balvin, Doja Cat, Tems leh Emmanuel Kelly te halftime chawlh laiin an inlan a, chawlh hun chhung hi minute 24 a nih phah.

Chutihrualin football dan bu 'FIFA Laws of the Game'-ah chuan halftime chawlh hi minute 15 aia rei lo tur a ni tih chiang takin a inziak thung. Kumin inelnaa FIFA thutlukna ṭhenkhat vangin president Gianni Infantino-a'n sawisel a hlawh a, nakkum March thlaa FIFA inthlan hunah a dinhmun a derthawn phah thei ang.