Messi tan Ballon d'Or?

Footballer chawimawina hlu ber ang hiala chhal ngam Ballon d'Or hi France Football-in kum 1956 aṭangin a sem ṭan a, a tirah chuan European player-te tan chauh niin European Footballer of the Year tih hming a pu tel ṭhin.

Kum 1995 aṭangin Europe-a khel player tawh phawt tan chuan a dawn theih a, kum 2007 aṭangin khawvel pum huap a ni a, a thlangtuah pawh ram tin coach leh captain an tel bawk.

Kumin FIFA World Cup inelnaah Lionel Messi a che ṭha a, Argentina captain hi European club-a khel tawh loin United States-a football inelna sang ber MLS-ah a khel mek.

Ballon d'Or vawi riat dawng tawh Messi hi dawng thei zinga mi a nih leh tak avangin hemi chungchang ngaihven an tam. Chawmawina buatsaihtu lamin an sawifiah a, kum 2007 aṭanga tih bik a awm loh thu an tarlang. Argentina captain Messi hi Ballon d'Or vawi kua dawng thei dinhmunah a ding a, chumi thlentir tur chuan World Cup nomawi chawi a pawimawh ang.