UFC 244: Nate Diaz a tlawm

Nate Diaz chuan UFC 244 a hmachhawn theih loh tur thu a sawi zet hnuah nimin khan Jorge Masvidala hmachhawn a, a mit chung kak vanga fight tihtawp niin Masvidal hi chak zawkah puan a ni. 

BMF belt inchuhna fight-ah hian Diaz hian round thumna thleng bak a daih lo - kum 34 mi fighter hian fight chhunzawm duh mah se doctor-in a remti lo a, Masvidal a lungawi bik lo. Kum 34 mi fighter chuan, "Ti hian a tawp thei lo, kan la ti leh mawlh ang," tiin Diaz nen rematch an neih leh tur thu a sawi a, hollywood star Dwayne "The Rock" Johnson chuan BMF belt hi a hlan. 

Madison Square Garden-a fight entu mipui 20,000 zet pawh doctor thutluknaah an lungawi lo a, fight hi chhunzawm tir an duh hle. US president Donald Trump chuan a hmunah fight hi a en.