Roma-in Summerville an duh

AS Roma chuan West Ham United winger Crysencio Summerville chu lakluh tumin an dawr a, English club hnenah hian Netherlands international manah hian euro maktaduai 46 (£39.12mtd) sen an inhuam thu an hrilh.

Mahse, Italian club ngamna hi Hammers-in an beisei zat £50mtd aiin a tlem a, Premier League aṭanga tla hlim club hian Summerville hi an phalna aia tlawm hian an chhuahtir thei ang em, tih chu zawhna a ni bawk.

Kum 24 mi forward hian Hammers-ah contract a la nei rei rih viau a, June 2029 thleng khel turin contract a la nei - season hman zawh takah khan league match 31 khelin goal nga a khung a, assist vawi li a nei.

World Cup-ah Netherlands tan fehchhuak zuiin, group stage-a an match hmasa pahnihah goal a khung hial. EPL aṭangin a club tlakpui mah se, World Cup-a a khelh dan avangin duhtu a nei nual tho.

West Ham-in top flight football an khelh dawn loh avangin an player ṭha ho an chân chho zel dawn niin a lang a, Summerville pawh hian Hammers chhuahsan hi a hnial dawn lo.

London club player zingah Mateus Fernandes chuan Tottenham Hotspur chu £85mtd-in a zawm tawh a, player dang pawh an la chhuak zel ang.