Dr. D. Baruah Chess Tournament hlawhtling

Mizoram Chess Association (MCA) buatsaiha neih 23rd Dr. D. Baruah Chess Tournament chu July 18, Inrinni khan zawh a ni ta a, Mizoram hmun hrang hrang aṭangin chess thiam players 88 an inlan thei a ni.

Ramhlun Indoor Stadium-a neih inelnaah hian Under-15, Under-11 leh Under-9 ah te inelna neih a ni a, Mizorama chess inelna hlun leh ngaihhlut hlawh ber zinga mi niin, naupang zawkte hmasawnna atana buatsaih ṭhin a ni.

Mizoram Chess Association chuan, "Mizoram chhung khaw hrang hrang aṭanga players 88 an tel thei hi kan lawm em em a ni," an ti a, inelna a hlawhtlin theih nana sponsor tu Dr. D. Baruah chhungkuate chungah lawmthu an sawi bawk.