Hull-in Bailey an duh an tum

Premier League kai thar Hull City chuan an squad thuam chak turin, Aston Villa winger Leon Bailey chu lakluh tumin an dawr mek. Kum 28 mi forward hian dawrtu a nei nual a, Villa hian a chhuak dawn a nih chuan, loan ni loa hralh law law an duh.

Bailey hi Turkish club Trabzonspor leh La Liga club Celta Vigo pawhin an ngaihven a, mahse, Jamaica international hian a fate chu England-ah school an kal mek avangin England chhuahsan a tum lo niin an sawi.

Kum 28 mi Bailey hian season hmasa ṭan dawn khan As Roma chu loan-in a zawm a, mahse, January-ah khan Villa-ah kirin, English club tan a khelh chhunzawm - tunah chhuak thei dinhmunah a ding leh ta.

Bailey hian kum 2021 khan Bayer Leverkusen aṭangin Villa hi £30mtd-in a zawm a, match 163 khelhsakin, goal 23 a khung a, assist vawi 25 a nei - season hman zawh takah khan loan-a chhuah a nei chungin Villa tan match 22 a khel.

Villa tana season a hman ṭhat berah match 52 khelin goal 14 a khung a, assist vawi 14 a nei tel a ni.