Saul 'Canelo' Alvarez a chak leh ta

Mexican boxer ropui Saul 'Canelo' Alvarez chuan nimin khan WBO light-heavyweight title a hlawh chhuak leh ta a, weight division paliah world title a hlawh chhuak tawh tihna a ni nghal. 

Las Vegas khawpuiah Saul hian Sergey Kovalev chu round 11-naah a knockout a, light-heavyweight khel tur hian weight division hnih ngawt zuan khumin a taksa rihna tisang mah se harsatna a nei lo. Kum 29 mi boxer hian light-middleweight, middleweight leh super-middleweight-ah te world title a lo hlawh chhuak tawh a, a kalna apiangah roreltu a nih chhunzawm zel. 

Canelo hi middle-weight-a a elpui ṭhin Gennady Golovkin nen inhnek leh tura sawi a awm a, Mexican boxer chuan, "Kan tana ṭha tur berin thutlukna kan siam ang," a ti. Kum 36 mi Kovalev hnehtu Canelo hian vawi 56 fight a hmachhawnah vawi khat chiah tlawm a la nei a, kum 2013 khan Floyd Mayweather a ngam lo.