Liverpool-in Szoboszlai thlun ngheh tum

Liverpool chuan an midfielder Dominik Szoboszlai contract thar ziahpui an tum chu a hlawhtling ṭep tawh a, he thu i chhiar meuh chuan contract thar a ziak tawh hial ang. Szoboszlai hi kum 2031 thlen châm turin inremna an neihpui dawn.

Season liam ta khan Liverpool an chet ṭhat tawk loh avangin tan chhinchhiah tlak ni lo mah se mimalin Szoboszlai a che ṭha a, match 36 aṭangin goal ruk leh assist pasarih neiin 'Liverpool Player of the season' atan thlan a ni hial.

Reds hian Arne Slot thlak nan Andoni Iraola an la lut a, Spanish coach hian indinthar leh nan player lak luh nual a tum thu a lo sawi tawh. Andy Robertson, Mohamed Salah leh Ibrahima Konate ten club an chhuahsan laia Szoboszlai-a'n contract thar a ziak tur hi thu lawmawm a ni.