Season Opening 2026 champion BC Zotlang

Kum 2026 Aizawl District Basketball Association Season Opening chu khelh zawh a ni ta a, July 17, Zirtawpni zan final khelhah BC Zotlang chuan 79-77 in Mission Vengthlang Basketball Club te an hnehin an champion.

Final inkhel hmuhnawm takah MSVT ten hun tam zawkah hmahruaitu ni mah se, Zotlang lamin an beidawn duh loh rah an hmu a, hun tawp nan minute li chauh a awm tawh tihah hmahruaiin hun a tawp meuh chuan a chak zawk an ni. Season Opening 'Most Valuable Player' (MVP) atan BC Zotlang player Vanlalrinchhana chu thlan a ni bawk.

Season Opening hi july 6, aṭang khan Armed Veng Community Centre-ah khelh ṭan a ni a, he tournament hi Food Civil Supplies & Consumer Afffairs Department chuan an sponsor a ni.