Hurst hnung zuitu Saka

England tan FIFA World Cup knockout stage-a Geoff Hurst hnua hattrick siam leh thei hmasa ber chu Bukayo Saka a ni. Saka hian France lakah hattrick a siam a, England-in 6-4 in hnehna an chang.

World Cup 1966 final-ah khan England-in final-ah West Germany chu extra time-ah 4-2 in hneh a, Hurst-a'n hattrick siamin Three Lions-in a vawi khat nan nomawi an chawi. Kum 60 hnuah Saka-a'n hattrick a siam leh chiah a, an champion hnua an thlensan leh ber ṭum tawngin pathumna an ni.

World Cup hrim hrimah erawh Gary Lineker (1986) leh Harry Kane (2018) ten hattrick an siam a, anni erawh group stage a ni thung. Saka hian a goal thumna hi penalty aṭangin a khung a, Jude Bellingham-a'n a kian.

Bellingham hian penalty hi pet lut se, England tan World Cup vawi khata pet goal tam ber record a siam dawn. Real Madrid midfielder Jude hian penalty pet lo mah se goal ropui zawk a khung a, tun inelnaah goal sarih khungin England tan World Cup vawi khata goal khung tam ber a ni ta tho.