Aizawl District Sports Festival an ṭan

Viksit Bharat Aizawl District Sport Festival Under 16 Football Tournament 2026 chu nimin khan Durtlang Football Stadium-ah AMC mayor H. Lalremtluanga'n a hawng. A hawnna hi ADFA president Lalbiakthanga Khiangte IPS (Rtd) chuan a kaihruai a, inelnaah team 24 an tel a ni.

Khuallian H. Lalremtluanga chuan, "Infiamnaah hlawhtling tur chuan theihtawp chhuah a ngai. Ruitheihthil leh zuk leh hmuam a fihlim a ṭul a, player tan chuan chak dan leh chak loh dan an thiam a ṭul a ni," tiin a fuih.