Kuminah F1 driver te dinhmun a chhia - Verstappen

Belgian Grand Prix-a George Russell-a chetsual hnuah Max Verstappen, chuan kum 2026-a F1 dinhmun chu 'ramhnuai' ang mai niin a sawi a him lo niin a sawi a, driver te himna an ngai pawimawh loah a ngai.

Pathianni zan intlansiakah Russell hian lap khatna lekah Ferrari driver Lewis Hamilton nen an intai avangin a tawlh chhuak a, na tuar lo mah se a car chu tlan chhunzawm thei dinhmunah a din loh avangin track a chhuahsan.

Driver engemaw zat chuan kumin a engine thar hman hungchangah an lungawiloh thu an lo sawi tawh a, an zingah Verstappen hi a tel. Belgian GP an tlan zawh hnuah pawh Red Bull driver hian thawm a nei.

Belgian driver chuan, "Kumin F1 hi a chang phei chuan ramhnuai ang mai a ni thin. Russell-a harsatna tak chu ka hre lo, mahse khatianga chetsualna kha a thlen ka lo ring lawk daih tawh.

Engine thar te hi kawng tam takah a buaithlakna lai a awm a, kawng ngila kan tlan chak theih tawk loh chhante kha ka hrethiam lo ṭhin hle. Russell pawh kha ai khan a ngilah tlan chak se chu a chesual kher lo ang. Kan theihna zawng zawng kan chhuah hnuah pawh, thil inthlak danglam a lawm reng a, driver te tan lungawilohna tham a ni," a ti.

July 26, Pathianni zanah Hungarian GP a awm chhunzawm leh nghal dawn a, driver te tan chawlh hahdamna hun a awm loh avangin team tam tak chuan inbuatsaihna an kalpui leh ṭan der tawh.