Best lifter-ah Mizo pa

National Master Equipped & Classic Powerlifting Championship-ah Mizoram aiawha zin Abraham Lalthakima chuan master category 1 below 93 kg-ah gold a la. Tlangnuam pa Abraham hian squat, bench leh deadlift-ah te gold a la vek a, best lifter-ah thlan a ni.

Inelna hi Aurangabad, Maharashtra-ah July 18, Inrinni khan ṭan a ni a, vawiin hian zawh a ni ang. Abraham-a hi Mizo zingah Powerlifting India hnuaia Master Classic Powerlifting Championship full meet-a gold la hmasa ber a nih bakah medal la hmasa ber a ni bawk.

He master Powerlifting Championship hi International Powerlifting Federation hnuaia USA-a inelna neih tura India aiawh tur thlanna a ni a, Abraham Lalṭhakima hi India aiawh tura thlan a ni. Mizoram Powerlifting Association chuan Mizo tihmingṭhatu Abraham hi an chhuan thu leh a kal zelna tur atan duhsakna an hlan.