Orlando City chakna Griezmann

MLS-ah Antoine Griezmann a vawi khat nan nimin khan a inlan a, goal a khung nghal. Orlando City hian San Jose-ah Griezmann bakah David Brekalo, Ivan Angulo leh Braian Ojeda ten an khung.

Kum 35 mi Griezmann hian minute 48-naah box chhungah rilru fim puin goal kilah mawi zetin a pet lut a, French forward hi lawm a hlawh hle. Griezmann hian Real Sociedad aṭangin hming a chher ṭan a, Atletico Madrid aṭanga rawn lar lehzualin Barcelona a pan hnuah Atletico-ah bawk a kir. Orlando hi Atletico aṭangin a zawm a ni.

French forward Griezmann hian World Cup nomawi hial chawi mah se Champions League bakah La Liga-ah a champion miah lo. Atletico tana a khelh laiin Barcelona-in La Liga nomawi an chawi a, Catalan club a zawm hnuah Atletico-in La Liga nomawi an chawi a, a vanduai chiah chiah.