Viksit Bharat Aizawl District Sports Festival 2026 Weightlifting inelna a hlawhtling

Aizawl District Weightlifting Association kaihhruaina hnuaiah Youth (Under-17) Weightlifting Championship chu July 21-31, 2026 chhung khan Ainawn YMA Hall-ah hlawhtling taka neih a ni. Inelna hawnnaah hian AMC Ward no. X corporator PB Lallawmzuala chu khuallian a ni a, a tawp kharnaah TBC Lalvenchhunga, MLA chu khuallian a ni thung.

AMC Ward no. X corporator PB Lallawmzuala'n inelna buatsaih nan Rs 5,000 a hlan a, Adviser to Chief Minister TBC Lalvenchhunga hian Aizawl District Weightlifting Association hmasawn nan cheng nuai khat a hlan bawk.

Inelna hi kum 17 hnuai lam a ni a, mipa lamah MSSC hnuaia inzir mek Zolawmsanga chu best lifter a ni a, hmeichhe lamah Annie Lalruatfeli Colney (MSSC) chu best lifter-ah an thlang. Aizawl District Sports Committee chuan inelna buatsaih nan Aizawl District Weightlifting Association hi Rs 85,000 an pe a ni.