Newcastle midfielder thar tur Bamba

Newcastle United chuan an AS Monaco nen midfielder Aladji Bamba man atan £34mtd in an inrem a, he thu i chhiar meuh chuan medical leh mimal thil pawh tihfel a nih tawh a rinawm.

An midfielder pawimawh Sandro Tonali a chhuah avangin Magpies hian a thlakna tur an zawng a, Freiburg midfielder Johan Manzambi dawr mah se Aston Villa an lo lang a, Champions League khel tur team hian an lak khalh.

Swiss midfielder Manzambi an chan tak lohah chuan Bamba lam an hawi a, kum 20 mi midfielder hmin turin hun an duh rei lo. French midfielder hian nikum August khan senior team tam a vawi khat nan a inlan ve chauh a, mahse a khelh ṭhat avangin hriat a hlawh nghal.

Magpies hi season hmasaah 12-na ni a, beisei an phâk loh avangin an coach Eddie Howe dinhmun a nghing. July 25, Inrinni hian Gateshead nen friendly match an khel dawn a, Bamba inlan hman dawn leh dawn loh erawh a chiang lo.