Arokodare vangin Wolves training lo

Wolves striker Tolu Arokodare-a'n khelmual a chhuahsan duh loh avangin English club hian training an neih loh phah. Kum 25 mi Nigerian international hian Fiorentina pan a duh avangin khelmualah a ṭhu tlat a, Wolves manager thar Cesar Peixoto chuan Thawhṭanni training a titawp ringawt.

Arokodare hian Fiorentina pan a duh a, mah se Wolves hian Serie A aṭanga an dawrna hi an hnawl a, Turkish club Trabzonspor lei dilna an pawm thung. Hei hi Nigerian striker lungawi lohna chhan a ni.

Nilaini khan Wolves hian friendly match-ah Maidenhead United F.C. 1-0 in an hneh a, hemi ṭum hian striker Tolu Arokodare hi a tel lo. Arokodare chuan, "Ka inkhelh chhung zawngin puitling taka chet ka duh ṭhin a, ka theihna zawng zawng ka hlan ṭhin. Min koh phawt chuan ka theihna zawng zawng ka hlan ang. Wolves-ah contract ka nei a, ka intiamna ang tih hlawhtlin hi ka mawhphurna a ni," tiin social media lamah a ziak thung.

Arokodare hi insawifiah viau mah se sulhnu ṭha a nei chiah lo a, kumin April thla khan player naupang zawk forward Mateus Mane laka a chet dan avangin hrem a tawk tawh. Nikum nipui khan Genk aṭangin English club hi £24mtd-in a zawm a, league-ah goal thum chauh khungin Premier League aṭangin Wolves an tla.