Pep-a'n Italy a hnar; a aiah Pirlo

Manchester City boss kal chhuak ta Pep Guardiola chuan Italy national team enkawl tura sawm a nihna chu a hnar a, Barcelona boss hlui hian khelmuala kir leh mai a tum rih lo niin khawthlang media-te chuan an sawi.

Kar hmasa khan Italian Football Federation (FIGC) president Giovanni Malago chuan Pep an biak thu sawiin, a hlawh chungchangah pawh insen an inhuam thu a sawi chhuak.

FIGC technical director Paolo Maldini chu Barcelona-ah zinin Pep hi a titipui a, FIGC hian sum tam tak an tawktarh bakah, a duh ang taka a hna thawk tura zalenna a neih tur thu an hrilh.

Mahse, Italy hian Pep chan tum viau mah se, Spanish coach-in a inngaihtuah hnuah Italy a hnar a, World Cup ṭum thum zet a zawna khel lo tawh Italy hian an player hlui Andrea Pirlo an dawr zui.

Football transfer expert Fabrizio Romano chuan Pirlo hian a thuphungin Italy enkawl tura sawmna hi a pawm tawh niin a sawi a, tun karah contract a ziak fel hman dawn niin an sawi - kum 2030 thleng a enkawl ang.