MOA-in hruaitu thar an thlang

Mizoram Olympic Association chuan July 24, Zirtawpni khan MSSC Conference Hall, Republic Vengthlangah general body meeting an nei a, kum 2026 - 2030 chhung atana hruaitu tur thlanna an nei nghal.

MOA rorel inkhawm zawh hian kum 2026-2030 chhung atana office bearer thar thlanna neih zui nghal a ni a. Indian Olympic Association kalphungin a phut angin inthlanna hi hon’ble justice Marli Vankungin (Gauhati High Court Judge hlui) a kaihruai a. Sawrkar aiawhin Albert Lalnunpuia, Senior Sports Promotion Officer leh IOA aiawh Arunachal Pradesh Olympic Association general secretary Bamang Tago ten thlanchhuahte hriatpuiin an nemnghehpui bawk a ni.