Ramthar FC fiahna tur Kanan FC

MPL club thar Ramthar FC-in I Day Football-ah vawiin chawhnu dar 1:30 hian Kanan FC an hmachhawn dawn. Coach HC Zarzoliana enkawl Ramthar leh coach C. Zothantluanga (Apuia) enkawl Kanan FC te hi intiat tawk viau tura ngaih an ni.

Kanan FC hian tun I Day Football hian ISL player Freddy Lallawmawma an chhawr dawn a, Kanan veng tlangval hi squad tichak thei tur khawpa ṭha a ni. Freddy thlawp tur hian Lunglei tlangval Lalthlanawma leh Sialhawk tlangval Crespo Vanlalhriatpuia te an awm a, tlarhmaah Hnahthial tlangvgal Lalrintluanga (Tutua) leh Salem Veng tlangval David Lalchhuanawma te an awm avangin an tawh a khirh viau ang.

Ramthar hi MPL club thar ni mah se coach tawnhriat nei ṭha Zara enkawl an nih avangin an inringtawk dawn. Goalkeeper-ah phei chuan Mizo goalkeeper ṭha pahnih Joel Lalramchhana leh John Lalruatfela te an kawl a, ISL player Isaac Vanmalsawma'n a ho dawn bakah forward hriam pahnih PC Lalruatsanga leh Lalremruata te an nei bawk.