JFC-in goal an surtir

Tun hnai lawka Indian Super League-a participation fee an la pek loh avanga thawm nei hat Jamshedpur FC chuan Durand Cup-a an match hmasa berah hnehna an chang nghal a, Sri Lanka club Defenders FC chu 5-0 in an sawp.

Men of Steel tan Raynier Fernandes chuan a club thar tana a match hmasa berah hattrick a siam nghal a, Aman C.K. leh Devendra Dhaku Murgaokar ten goal khat ve ve an khung bawk.

Jamshedpur tan Lalhriatpuia Chawngthu chuan inkhel bul ṭanin, Lawmsangzuala chu bench aṭangin a lut bawk. Pathianni inkhel dangah Indian Army Red chuan 1-0 in Odisha club Samaleswari an hneh a, season hmasaa Chanmari FC-a loan-a khel Christopher Kamei chuan goal a khung.

Indian Army tan hian Zothanpuia (Thangpuia) chuan bul ṭanin, H. Lalhmingchhuana chu bench aṭangin a lut bawk.