Karate thiam ber Bungkawn

Viksit Bharat Aizawl District Sports Festival Karate Championship chu khelh zawh a ni ta a, July 24 & 25-a neih inelnaah hian Bungkawn chuan gold medal 15 lain an champion - gold bakah hian silver 15 leh bronze 21 an la bawk a, Bungkawn an ropui ber.

Viksit Bharat Aizawl District Sports Festival hi India-in kum 2036-a Olympic thlen tuma a inbuatsaihna behchhana neih a ni a, Aizawl District Sports Committee hnuaia infiamna hrang hrangten kum 17 hnuai lam tan inelna an buatsaih a ni.

AMC Multicomplex, Tuikual South leh Dawrpui Multipurpose Centrea-a neih Karate Championship-ah hian Aizawl district chhunga Karate zirna 12 aṭangin Karate zirlai 238 an tel a, kum 17 hnuai lam category hrang hrang, mipa leh hmeichhia KATA leh KUMITE hmangin an inel - All Mizoram Karate Association (AMKA) adviser Aldrin Lalrengpuia chuan khuallian niin a hmanpui bawk.