Hmeichhe referee Demoncay a inhliam

French club FC Metz leh Netherlands club Fortuna Sittard te Inrinni zana pre-season friendly khelh ṭumin, player te intihbuainah match referee Mathilde Demoncay chu an titlu palh a, ground a chhuahsan hial.

Minute 40-naah hian player te intibuai chu Demoncay hian boruak tihdaih tumin a inrawlh vat a, player te chuan sut palh avangin a tlu a, medical team te chu tlan lut nghalin an buaipui nghal.

Kum 26-mi Demoncay hi field chhungah an buaipui chhungin a ban a dawm a, a tlukna lamah a ban a tina niin a lang. First half chu chhunzawm thei mah se second half-ah midangin an thlak thung. He inkhelah hian Metz hi 3-1 in an chak zui a ni.