Gurindervir-a'n semifinal thleng zo lo

Commonwealth Games 2026, Scotland-a neihah nimin chhun khan, Indian sprinter Gurindervir Singh chu 100m opening round-ah pahnihna ni mah se, semifinal a tling zo lo a, kumin inelnaa a zinkawng a tawp.

Punjab tlangval Gurindervir hian 100m hi second 10.39-ah thlengin, a hman zat hi May thlaa national record a siam (second 10.09) ai khan a muang hret. Jamaica aiawh Rohan Watson chiah a tluk lo a, Watson hian second 10.13-ah a tlan thleng ve thung.

Kum 25 mi Gurindervir a vannei tawk lo a, tlan chak hle mah se heat tin aṭanga a pakhatna leh pahnihnate tlang tir nghal an ni lo a, intlansiak zawng zawng zingah 28-na a ni a, 17 chin an tlin dawn avangin a tla.

Semifinal hi vawiin chhun dar 11-ah neih a ni leh dawn a, Gurindervir hian semifinal a paltlang leh a nih chuan, zanin dar 12:15-ah final an tlan leh nghal dawn.