Rishikanta leh Muthupandi ten medal an la

Commonwealth Games 2026 neih mekah Indian weightlifter te an che ṭha a, Rishikanta Singh leh Muthupandi Raja te chuan anmahni weight-ah silver medal an hlawh chhuak ve ve.

Manipur chhuak Rishikanta hi 60 kg category-ah awmin kg 264 a chawi thei a, Malaysia aiawh Mohamad Aniq bin Kasda chiah a tluk lo. Kum 22 mi Aniq bin Kasdan hian kg 273 chawiin gold medal a la. Pathumnaah kg 260 chawiin Kenya weightlifter Joshua Amunga Mboya chuan bronze medal a hlawh chhuak ve bawk.

Rishikanta bakah hian Tamil Nadu Muthupandi Raja chuan 65 kg category-ah kg 286 chawiin silver medal a hawn ve bawk a, a tluk loh awmchhun hi Muhamad Aznil Bin Bidin hian kg 299 chawin, ani pawh hi Malaysian tho a ni.

India prime minister Narendra Modi chuan weightlifter pahnihte hi X (twitter) kaltlangin lawmpuina a hlan a, an hming an tihlan bakah ram dang hriatah India an tihhmingṭha a, infiammi naupang zawkte tana entawntlak an nih thu a sawi.