Sports Festival Football : Upper Republic-in semifinal an lut

Viksit Bharat Aizawl District Sports Festival 2026-ah nimin khan quarterfinal khelh a ni a, Upper Republic-in MFA Elite FA (B) 2-1 in an lehthal. Inkhel hnuhnung zawkah MFA Elite FA (A) leh Luangmual club Lushai Corner FA te an inkhel a, MFA Elite A lam hi kum dik lo player khela puh an nih avangin an khel zo thei lo. Inelna buatsaihtu ADFA lamin an chhui chian hnuah thutlukna an siam dawn a, he thuziah lai hian thutlukna hriat hman a ni lo.

Durtlang Football Stadium-a inkhelah MFA Elite B-in Lalsawmzela hmangin goal khung hmasa mah se Upper Republic-in Isak Lalruatsanga hmangin siphurh an sut nghal a, injury time-ah Bonny K Zoremsanga'n chakna goal a khung.

Vawiin hian quarterfinal khleh chhunzawm a ni dawn. Chawhma dar 11:00-ah Durtlang North club 4Brothers FA leh Republic Veng GSA te an inkhel ang a, tlai dar 1:30-ah Durtlang FA leh Chawlhmun YC te an inkhel zui ang.