Vawiinah U16 Football semifinal

Visit Bharat Aizawl District Sports Festival Under 16 Football Tournament semifinal chu vawiin hian Durtlang Football Stadium-ah khelh a ni dawn. Chawhma dar 11:00-ah Upper Republic GSA leh Lushai Corner FA (Luangmual) te an inkhel ang a, tlai dar 1:30-ah Durtlang North club 4 Brothers FA leh Chawlhhmun YC te an inkhel zui ang.

Nimin khan quarterfinal khelh zawh a ni a, 4 Brothers FA hian Republic Veng GSA chu R Lalremruata, Kaphmingliana, Lalramdinpuia leh Victor Lalhmingmawia te goal hmangin 4-0 in an sawp. Inkhel hnuhnung zawkah mualneitu Durtlang FA-in John Lalhlimpuia goal hmangin khung hmasa mah se Chawlhhmun YC-in Isak Malsawmdawngkima leh Samuel Lalruatdika te goal hmangin an lehthal.