Inter-ah Stones a kal dawn

English defender John Stones chu Italian champion Inter Milan chuan free transfer-in an la dawn a, mimal thilah an inrem vek tawh a, kum hnih daih contract a ziak dawn niin journalist rintlak Fabrizio Romano-a'n a tarlang.

Kum 32 mi Stones hi June thla khan a contract a tawp tawh avangin Manchester City a chhuahsan a, free agent a nih avangin a duh lam lam a hawi thei. A kum tam ve deuh tawh mah se theihna sang tak a la nei tih World Cup-ah a lantir a, an ram chu pathumna a nih pui. Stones duhtu zingah Arsenal leh Chelsea pawh an tel.

London club pahnih bakah Europe club hrang hrangin Stones hi an rim a, mahse Inter lo langin inbiakna hlawhtling tak an neihpui nghal, Everton defender hlui hian San Siro a pawn dawn a, kum hnih a cham chhung hian £3.42 bawr vel a hlawh a dawn.

Stones hian kum 2016 khan Toffees chhuahsanin £47.5mtd zetin City a zawm a, match 295 a inlan tawhin nomawi chawi theih ang zawng zawng a chawipui vek tawh. Ram tan pawh vawi 93 inlan tawhin, Euro 2028-ah pawh a la hman tlak a rinawm.