Bangladesh-in India an hneh

Twenty20 inter-national-ah Bangladesh-in a vawi khat nan India an hneh. Pathianni zan khan Feroz Shah Kotla, Delhi-ah ram pahnih hi an inhmachhawn a, India hian bat hmasain run 148/6 an siam. Mikhual Bangladesh-in over 19.3-ah run 154/3 siamin target hi an umpha a, wicket sarihin an chak.

Ram pahnih hi T20-ah vawi kua an inhmachhawnna a ni a, Men in Blue hi Rohit Sharma captain-na hnuaiah an khel. Opener Shikhar Dhawan-a'n four vawi thum leh six vawi khat vaw chhuakin run 41 a siam a, India hian run 148 an siam.

Amaehrawhchu, Tigers wicketkeeper Mushfiqur Rahim chuan thi loin run 60 a siam a, captain Mahmudullah-a'n six run vaw chhuakin a tawp a khar a, ball thum an dah bang thei bawk. Series match thum an khelh tura a vawi hnihna hi Ningani zan dar 7:00 hian Rajkot-ah an khel ang.