Celtic-in Bodo/Glimt striker la lut

Scottish club lian Celtic chuan Bodo/Glimt striker Kasper Hogh chu an la lut a, Scottish Premiership champion lai hian Danish striker lak nan hian hian euro maktaduai 11 an seng.

Kum 25 mi Hogh hi Bodo/Glimt player pawimawh a ni a, Norway club a zawm hnuah macth 103 aṭangin goal 54 a khung tawh. Season hmasa Champions League-a Bodo/Glimt an chet ṭhat theih nan Hogh hi tha thawhtu ber pakhat a ni a, match 12 khelin goal nga leh assist pathum a nei a, Manchester City, Atletico Madrid leh Inter Milan lakah goal a khung vek.

Norwegian league sang ber Eliteserien chu March thla aṭang khan ṭan a ni leh tawh a, Hogh hian match 12 khelin goal sarih leh assist panga a nei leh der tawh a, Bodo/Glimt chu hma a hruaipui mek.

Danish striker chuan, "Celtic ka zawm thei hi ka hlim em em a, club lian tak an ni a, an zinga ka tel ve ta mai tur hi awih a har hle. Box chhunga awma goal khung tur chu ka ni teh meuh mai, mahse ka teammate te pui tura tlan let hi nuam ka ti tel bawk a, chutiang chiah chu Celtic tan ka tih theih ka inbeisei a, a sang ber thleng tura beih ka châk tawh hle," a ti.

Celtic hian Hogh hi Daizen Maeda thlak nana an lakluh a ni a, kum 28 mi Maeda chuan Zirtawpni khan Ipswich Town a zawm. Season hmasa khan Japanese forward hian goal 14 leh assist paruk a nei a, Denmark forward Hogh-a'n khum a tum dawn.