Villa-in Sociedad hneh lo

Premier League club Aston Villa chuan Thawhlehni zan khan Real Sociedad chu 4-2 in an hneh lo a, Unai Emery-a naute hian pre season-ah match thum khel tawhin Walsall chiah an la hneh a, July 25, Zirtawp zan khan Porto lakah an tlawm tawh bawk.

Rawlthar pahnih George Hemmings leh Brian Madjo ten Villa tan goal khat ve ve an khung a, mahse Carlos Soler, Orri Óskarsson, Gorka Carrera Zarranz leh Iñaki Rupérez-te goal hmangin Sociedad an chak zawk.

Villa tan senior player zingah Marco Bizot, Matty Cash, Tyrone Mings, Ian Maatsen, Ross Barkley leh Emi Buendia ten bul an ṭan a, Wolverhampton aṭanga an lak thar Joao Gomes a inlan nghal bawk.

Hetihlai hian Emiliano Martínez, Ollie Watkins leh Ezri Konsa te chuan club an la zawm ve lo a, training an zawm ve theih hun tur a la chiang lo. Anni bakah hian an player thar Johan Manzambi chu squad-ah a awm lo bawk.

August 1, Inrinni hian Villa hian Indonesia XI chu Gelora Bung Karno Main Stadium, Jakarta-ah an hmachhawn leh nghal dawn a, Indonesia an khelh hunah Chelsea aṭanga an lak Alejandro Garnacho chu an chhawr theih tawh an inbeisei.

Friendly match-ah Bayern Munich nen August 7, Zirtawpniah an la inkhelh dawn bakah Super Cup-ah Paris St-Germain nen an inhmachhawn dawn bawk avangin Spanish coach Emery-a'n player naupang zawkte tan hmun a siamsak chhunzawm a rinawm.