Crystal Palace leh Tomiyasu an inhnaih

Crystal Palace chuan free agent Takehiro Tomiyasu chu nipui lai hian lakluh an tum a, inbiakna neihpuiin Arsenal defender hlui hi Premier League lama hruai kir leh ngei an tum.

Kum 27 mi Tomiyasu hi Ajax-a a contract a zawh hnuin club nei loin a awm mek a, Palace training zawm vein nimin tlaia RC Lens nen Thawhlehni zana Como Cup an khelh ṭum khan substitute-ah a awm a, mahse 3-1 Lens an chakna inkhelah hian a lut ve lo.

Palace coach thar Pierre Sage chuan Tomiyasu hi tlarhnung khawiah pawh a khelh theih avangin a duh a, a thlawna an lak theih dawn bawk avangin chan ngei an tum hle.

Japan International hi kumin World Cup khelh zawh takah khan an ram tan a fehchhuak a, rinrawl niin an team player hmuhnawm ber zinga mi an ni. Mahse round of 32-ah vanduaiin, 2-1 in Brazil an hneh lo.

Season hmasaa Conference League an champion avangin Eagles hian Champions League an khel dawn a, match khelh tur an ngah dawn avangin an squad tihchhah an duh.

Hetihlai hian an defender pawimawh Maxence Lacroix chu Chelsea-ah a chhuah dawn a, a thlakna turin Augsburg centre back Chrislain Matsima chu £25.7 mtd-in an beisei mek. Hetiang karah hian Premier League-a tawnhriat nei sa Tomiyasu an la thei a nih chuan an tan hlep hlang a ni ang.