Aizawl FC hmaah Ramhlun North
Mizoram Premier League Season 8-ah Aizawl FC-in hneh loh an la tawng lo a, point 21 hmu tawh mah se semifinal erawh an la lut lo. I League club hian zanin dar 8:00 hian Ramhlun North an hmachhawn dawn.
Ramhlun North leh Aizawl FC an intawn hnuhnung ber ṭumin Standly Rosario hote hi 3-1 in an chak a, scoreline-in Lammual thil thlen dan a sawifiah lo thung. I League club hian minute 79-naah Rochharzela hmangin hma an hruai thei chauh a, chak nemnghehna goal pawh hi injury time-a lut chauh a ni.
An intawn tawhna aṭanga chiang taka lang chu Ramhlun North-in goal venhim tuma bus an park fuh a nih ngat chuan Aizawl FC tan harsatna an thlen dawn a, hei chauh hi ni loin Jonathan C. Lalrintluanga (Thantea) hote hian an match hnuhnung berah Chhinga Veng FC (1-1) an chelh a, hemi hma chiah hian Chawnpui FC 2-1 in an hneh bawk.
Tun season-a tlarhnung phui ṭha ber Aizawl FC hian match kua an khelh tawhah vawi sarih an clean sheet a, Ramhlun North nen erawh goal an chhuah tih a hriat a ṭha. I League club hi chak tura rinkai zawk an ni nachungin zanin hian upset thleng thei a ni.
Round 10
Vawiin Inkhel Tur
Electric Veng FC 04:00 PM Chanmari FC
Aizawl FC 07:00 PM Ramhlun North
November 6, Nilaini
FC Venghnuai 04:00 PM Mizoram Police
Chhinga Veng FC 07:00 PM Chawnpui FC