Goalkeeper channa JFC 0-0 BFC

Pathianni zan Indian Super League inkhelah Jamshedpur FC leh Bengaluru FC chu goal khung loin an inhnehtawk a, goalkeeper pahnih Subrata Paul leh Gurpreet Singh Sandhu te an che ṭha dun hle. 

'Indian Spiderman' tia South Korean media-ten hminglem an lo pek tawh Subrata Paul hian Sunil Chhetri, Juanan, Manuel Onwu leh Ashique Kuruniyan te hun ṭha neih chu ṭha zetin a dansak vek a, Hero of the Match atan thlan zui a ni. 

India international Gurpreet chu hna nei lo a ni bik lo. Norwegian club Stabaek goalkeeper hlui hian Sergio Castel, Mobashir Rahman leh Farukh Choudhary-te hun ṭha neih chu a dansak ve bawk - Limitless Player of the Match-ah 

an thlang. 

JRD Tata Sports Complex-a inkhelah hian mualneitu Jamshedpur tan Isaac Vanmalsawma chu second half ṭantirah a tlan lut. Zaninah ISL inkhel a awm lo a, Nilaini zanah a awm leh chauh ang.