Zaninah CYMA Volleyball Ben Hawnna

LBS Suzuki 24th Inter Branch YMA Volleyball Tournament 2026 Ben Hawnna chu zanin dar 8:00 hian Central YMA Hall, Tuikhuahtlangah neih a ni dawn. Mipa leh hmeichhe inelna a awm dawn a, mipa team 57 leh hmeichhe team 19 an tel ang.

Ben hawnna hi CYMA general secretary Prof. Malsawmliana'n a nei ang a, fixtures tlangzarh a ni bawk dawn. Inelna fixture hi MVA president Dr Lalmalsawma Nghaka'n a tlangzarh ang.

Inelna hnuhnung ber hi kum 2024 khan neih a ni a, mipa inelna Muana Veng chuan final-ah Hunthar chu straight set (25-19, 29-27, 25-21) a hnehin an champion. Hmeichhe inelnaah Bungkawnin Vaivakawn chu straight set (25-17, 25-23, 25-2) thoin an hneh ve bawk.