United-ah tihsual ka ngah - Amorim

AC Milan manager thar Ruben Amorim chuan Manchester United a enkawl laiin tihsual a ngah thu a sawi chhuak. Portuguese manager Amorim hian November 1, 2024 khan Man United manager hna a thawk ṭan a, result a neih ṭhat loh avangin January 5, 2026-ah ban a ni.

Kum 41 mi Amorim chuan, "Manchester United-a result kan neih ṭhat loh chhan kha player-te chauh ni loin ka tihsual pawh a tel. Ka tihsual avang khan coach ka nihna piah lamah, ka ni tin nunah hmasawnna tur ka neih phah a ni," tiin a sawi.

Portuguese manager kaihhruaina hnuaiah Man United hian season khatnaah Europa League final lut mah se Premier League-ah erawh match 38 aṭanga point 42 chauh hmuin 15-naah an awm. Europe inelnaa tel phak aiin relegate an hnaih zawk.

Amorim-a kaihhruaina hnuaia bul an ṭan hnuah pawh Man United-in beisei an pha lo a, an ban hnuah nasa taka hmasawnin Michael Carrick kaihhruaina hnuaiah pathumna niin Champions League khel turin an inpettling.

Portuguese manager hian kum chanve hahdamna hun a neih hnuah June 16, 2026 khan AC Milan a zawm a, Serie A lamah coaching career siam ṭhat a tum ang.