Veteran I Day Football Fixtures a chhuak

MFA buatsaih I Day Veteran Football Fixtures chu Thawhlehni zan khan tihchhuah a ni a, team 23 telin group pariatah ṭhen darh an ni. Inelna hi kum 40 leh a chunglam tan a ni a, 1st Bn MAP Ground-ah khelh a ni dawn.

August 3, Thawhṭanni aṭangin inelna ṭan a ni ang a, match hmasa berah champion lai Ditea's FC leh Bawngkawn Veteran te an inkhel ang. Match hmasa ber chawhma dar 9:30-ah khelh a ni dawn a, ni khatah match li zel a awm ang.