Chelsea-in Lacroix an la lut ta

Mipui transfer-a thawm nei na tak Chelsea chuan Crystal Palace aṭangin Maxence Lacroix an la lut ta a, France international manah hian pound maktaduai 52 an theh chhuak.

Kum 26 mi defender hi Blues-in an la lut dawn tih a chianna a rei tawh a, mahse, an puang lawk lo. Tunah erawh official taka puan zar a ni ta a, Stamford Bridge-ah hian kum 2032 thleng khel turin contract a ziak.

Season hman zawh taka Palace tana Europa Conference League nomawi chawitu Lacroix hian kum 2024 khan Wolfsburg aṭangin Palace hi a zawm a, £15.5mtd man niin, season hmasa khan Oliver Glasner hnuaiah player pawimawh a ni - match 55 a khel.

World Cup 2026-ah khan France tan match thum a khel a, Chelsea tana khelh hi Les Bleus-a hmun chan zel nan a pawimawh dawn. Lacroix chuan, "Reece James leh Morgan Rogers te ka hmuh khan, Chelsea-a kan zinkawng chanchin ziah ho ka châk a ni," a ti.

Lacroix chuan, "Ka hlim takzet a, inkhelh ka châk tawh hle. Ka ṭhian te leh manager hmuh ka châk tawh a, season thar ṭan a châkawm tawh hle," a ti a, tun nipuia Blues player lakluh pathumna a ni.

Blues hian centre back Lacroix hma hian Aston Villa aṭangin Morgan Rogers leh Atalanta aṭangin Marco Palestra an lo la lut tawh - coach thar Xabi Alonso hnuaiah season thar an hmachhawn dawn.

Chelsea hian Sporting Lisbon winger Geovany Quenda leh Strasbourg forward Emmanuel Emegha te chu kum 2025 khan inremna neihpuiin, tun season-ah Blues an zawm chiah bawk.

London club hian Brighton & Hove Albion striker Danny Welbeck leh Brentford midfielder Jordan Henderson te an rim mek bawk - he thuziak i chhiar meuh chuan an la lut fel tawh hial ang.