Rawlthar 'luck' Junior Kroupi a inhliam

AFC Bournemouth forward Eli Junior Kroupi chuan a ke hliam zai a nih hnuah a chawlh rih a ngai dawn a, thla thum aṭanga thla li chhung vel a inkhelh thei dawn lo. French rawlthar hi a inhliam avangin transfer bazar-a a dinhmun a chiang lehzual ang.

Kum 20 mi Kroupi hian Bournemouth tan pre season training an neihnaah a inhliam a, enkawl turin England lamah a kir leh nghal. Nilaini khan zai niin, October emaw November-ah bak khelmual a luh leh a rinawm loh.

Season hmasa khan Kroupi hian Premier League-ah goal 13 a khung a, Liverpool coach thar ni ta Andoni Iraola hnuaiah parukna niin Europa League khel turin an tling. Season a hman ṭhat avangin Kroupi hian duhtu a ngah a, Barcelona, Tottenham Hotspur, leh Arsenal te chu hming ri ring zual an ni.

Mahse Kroupi a inhliam tâk avangin a dinhmun a chiang lo a, amah duhtu club te an inhnukdawk leh mai ang em? tih chu zawhna a ni. Mahse Cherries forward hi a la naupang a, theihna sang tak a neih bawk avangin an bawhzui vat loh chuan an tlai ve thei tho.

Bournemouth hian tun nipui chhungin Kroupi leh midfielder Alex Scott bakah, Brazilian winger Rayan te chu chhuak mai thei tura ngaih an ni a, mahse club hruaitute chuan anni hralh an remti lo thung.

Cherries hi Iraola-a'n a chhuahsan hnuah Marco Rose-a'n a enkawl dawn a, Europa League an khelh tawh dawn avangin match khelh tur an ngah dawn a, squad chhah a pawimawh dawn.