Rahane-a'n international cricket a chawlhsan

India captain hlui Ajinkya Rahane chuan nimin khan international cricket a chawlhsan thu a puang. Kum 38 mi Rahane hian Test match (85), ODI (90) leh T20 (20)-ah ram tan a khel vek.

Rahane hian Test-ah run 5,077 siamin chawhrualin run 38.46 siam ang a ni a, century vawi 12 leh half century vawi 26 a siam. ODI-ah run 2962 a siam a, chawhrualin 35.26 siamin century vawi thum leh fifty vawi 24 a vaw chhuak. T20-ah match 20 aṭangin run 375 a siam bawk.

India tan Rahane hi Test, ODI leh T20-ah a khel vek a ni ringawt lo a, a captain vek. June 6, 1988 khan Rahane hi Maharashtra-ah a piang a, Mumbai tan first class cricket a khel ṭan a, IPL club Mumbai Indians, Rajasthan Royals, Delhi Capitals, Kolkata Knight Riders leh Chennai Super Kings tan a khel tawh a ni.