De Zerbi-a'n châm turin Spence a duh

Tottenham Hotspur manager thar Roberto de Zerbi chuan an defender Djed Spence chu, a game plan-ah a tel avangin chhuak lo tura hmin a tum thu a sawi a. England international hi hma hun a la chiang lo.

Kum 25 mi Spence hian nikum August khan 2029 thleng châm turin contract a ziak a, mahse World Cup a hman chhiat loh avangin Serie A Inter Milan leh Everton chuan Spence hi an duh.

Spurs manager De Zerbi chuan, "Spence leh Lucas Bergvall te bulah ka lo sawi tawh a, kei chuan helai hmunah awm chhunzawm zel an duh a nih chuan ṭha taka thawhho ka duh. Mahse chhuah an duh a nih chuan an kawng ka dal lo ang," a ti

Season hmasa khan Spence hian Spurs tan inelna hrang hrangah match 43 a khel a, an chet ṭhat tawk loh avangin nomawi chawi an nei lo am Premier League-ah phei chuan an relegate lek lek.

Mahse a vanglai a hman dawn chauh bakah theihna sang tak a neih avangin duhtu a tlachham lo. A teammate Bergvall pawh Leeds United-in an rim ve reng.

Hetihlai hian Spence hi a khelhna hmunah Pedro Porro a awm a, Spanish full back hi World Cup-ah a che ṭha a, an ram chu a champion pui avangin Spurs tan rinrawl a nih a rinawm.

De Zerbi pawhin Porro hi a position-ah chuan khawvela ṭha ber tia a lo sawi tawh avangin Spence tan thu hriat nuam tur a ni lo a, a dinhmun a chian loh chhunzawm zel.