Champion lai Chanmari an tho chhuak

I Day Football leh MPL champion lai Chanmari FC-in nimin khan First Division club Bawngkawn FC lakah an zia an chhuah a, Rochhingpuia hote hi 5-0 in an chak. Chanmarians hian quarterfinal-ah MPL kai thar Ramthar Veng FC an hmachhawn ang.

Chanmariin ISL player aiah an player inhrechiang sate an luhtir a, chutihrualin Jerry Mawihmingthanga erawh team ho tura luhtir a ni. Serchhip tlangval Lalruatsanga'n a theihna sang tak lantirin goal hnih a khung a, midfielder C. Lalmuanpuia leh Joel Lalramengmawia te bakah player thar Lalthanzuala (TZ-a) ten goal khat ṭheuh an khung.