Brentford player man to ber tur Sangare

Brentford chuan French club RC Lens nen midfielder Mamadou Sangare lak luh nan pound maktaduai 41-in an inrem a, an club chanchina an player lak luh man ti ber a ni dawn. Medical test la hmachhawn dawn mah se, he thu ziak i chhiar meuh chuan Sangare hi Brenford player a ni tawh hial ang.

Season hmasaah Bees hi an che chhe lo a, pakuana ni chungin season an khar. Hetiang dinhmun an thlen theih nana an player pawimawh, Jordan Henderson-a'n Chelsea a pan tak avangin a thlakna turin Sangare hi an la lut.

Kum 24 mi Sangare hian season hmasa khan Ligue 1-ah match 29 khelin goal thum leh assist pathum a nei a, pahnihnaah awmin champion Paris St-Germain chiah an tluk lo. Mali international hian league title hlawh chhuak zo lo mah se, French Cup-ah erawh a champion pui tho.

Lens manager hlui Pierre Sage pawhin Sangare hi a player ngainat a ni a, Crystal Palace-ah seng luh chhunzawm tum mah se Brentford angin pawisa an thehchhuah tam ve ngam loh avangin an chang ta lo.