Ter Stegen-a'n Ajax a zawm dawn

Barcelona goalkeeper Marc-André ter Stegen chuan Ajax a zawm dawn a, German keeper hian tun season chhung loan-in Dutch club hi a zawm dawn. Medical test neih a la hmabak a, loan-in kal dawn mah se Barca chuan a hlawh 90% an la tumsak dawn tho.

Kum 34 mi Ter Stegen hian 2015 khan Catalan club hi a zawm a, nomawi chawi theih zawng zawng a chawipui vek tawh. Hun eng emaw lai khan captain nihna hial pek ni mah se Ter Stegen a tlahniam a, ngai a awh leh tawh lo.

Barca-ah Joan Garcia-a'n a luahlan tawh a, season hmasa khan World Cup khelh a duh avangin hmun a chan tam theihna tura a rin Girona-ah loan-in a kal a, mahse match hnih chiah a khelh avangin koh a ni lo.

Ter Stegen hian Barcelona-ah 2028 thleng contract la nei mah se, club-ah a tlaktlum tawh loh avangin chhuah dan kawng a dap a, kum khat chhung atan Ajax a zawm phawt dawn.

Ajax hian German keeper hi an biakna a rei leh deuh tawh a, sum lamah harsatna a awm avangin inremna an nei thei lawk lo. Ter Stegen hi Ajax pana a zin nghal avangin Barcelona pre season khel turah a tel dawn lo a, medical a paltlang hnuah Ajax player anga puan a ni ang.