Pakhatna Elite Shooting Club

Aizawl District Rifle Association chuan Aizawl District Sports Committee nen ṭangkawpin Viksit Bharat Sport Festival 2026 neih mekah Under 17 Shooting Competition an buatsaih. Inelnaah hian Aizawl district aṭanga school leh shooting club hrang hrang aṭangin shooter 102 an tel a, inelna a hlawhtling hle.

Mission Vengthlang club Elite Shooting Club chuan gold medal pathum leh bronze pathum kap chhuakin team champion an ni a, Greenhill Public School chu pahnihna an ni thung.