CM leh IOC hotute an inkâwm

Indian Oil Corporation Ltd. (IOC) hotute chuan nimin khan chief minister Zoramthanga chu a pisaah an kâwm a, Mizorama eirawngbawlna gas dinhmun tihṭhat lehzualna tura pawimawh hrang hrang an sawiho.

Chief Minister chuan, Mizoram chu Bangladesh leh Myanmar inkara awm a nih avangin intlawhpawh kawngah harsatna a tawh tam bik ṭhin thu IOC hotute a hrilh a, "Ni tin mamawh châkkhai dahṭhatna leh a himna chu mipui tan a pawimawh. Rél lian lo thleng tawhin, kawngpui pawimawh zualte pawh siamṭhat mek a ni," a ti a; Bairabia gas bottling plant leh oil depot sak hna IOC-in an ṭan thuai a beisei thu a sawi.

IOC chief general manager Uttiya Bhatacharya chuan, Mizoram an ngaih pawimawh thu leh gas supply pawh a theih anga ṭhaa pek an tum tur thu sawiin, anmahni ring ngam turin mipuite an ngen tih a sawi a; Vairengte oil depot hman tawh loh chu a thar siam hmaa hman lailâwk tura hmalak a nih dawn thu a sawi bawk.